Зошто замастениот црн дроб не треба да се игнорира и што треба да се направи?
Содржината на масти во црниот дроб до одредена граница се смета за нормална. Но, доколку концентрацијата на маснотии во клетките на црниот дроб стане превисока, тоа може да биде знак за заболувањето наречено замастен црн дроб.
Симптоми на замастен црн дроб
Според податоците кои доаѓаат од САД, дури една третина од нивните жители во одреден период од животот развиле замастување на црниот дроб (неалкохолно).
За жал, во голем дел од случаите оваа состојба останува асимптоматска. Најчестите симптоми, доколку се појават, се чувство на замор и непријатност, како и болки во горниот десен дел на стомакот.
Посериозните компликации пак, како цирозата, можат да имаат и посериозни симптоми.
Ќе ги наведеме најчестите:
• губење апетит и телесна тежина
• слабост, замор, поспаност
• пожолтена кожа и чешање
• стомачни болки
Начини на третирање:
1.Исхрана со антиоксиданти – Јадете храна богата со антиоксиданти, како што се свежо овошје, зеленчук, зелен чај, ореви и семки. Оваа храна го заштитува вашиот црн дроб од штетни влијанија.
2. Ограничете ја употребата на масна и преработена храна – Претераното уживање во масна и преработена храна може да го оптовари вашиот црн дроб. Фокусирајте се на здрави извори на масти, како што се авокадо, маслиново масло и риба богата со омега-3 масни киселини.
3. Пијте доволно вода – Осигурајте се дека пиете доволно вода секој ден за да го поддржите оптималното функционирање на вашиот црн дроб. Водата помага во исфрлањето токсини од вашето тело.
4. Умерена употреба на алкохол – Ако пиете алкохол, правете го тоа во умерени количини. Претераното уживање во алкохол може да го оштети вашиот црн дроб.
5. Редовна физичка активност – Редовното вежбање може да помогне во зачувување на општото здравје на вашиот црн дроб. Физичката активност ја стимулира циркулацијата на крвта и помага во спречување на напластување маснотии во црниот дроб.
6. Редовни медицински прегледи – Редовните посети кај доктор може да помогнат во рано откривање и третман на проблемите со црниот дроб.
Ако сте загрижени или имате здравствени проблеми, најдобро е да се консултирате со лекар специјалист или нутриционист.
Компликации
Преголемата содржина маснотии во црниот дроб може да предизвика сериозно воспаление, што може да го оштети црниот дроб и да формира еден вид лузни во него (фиброзни предели).
Посериозните случаи на замастен црн дроб кои не се третираат можат да доведат до цироза. Цирозата се јавува како одговор на константните оштетувања на црниот дроб од хронична инфламација. Обидувајќи се да го запре воспалението, црниот дроб ги создава споменатите помали лузни (фиброзни делови), а со продолжена инфламација, фиброзните делови стануваат се поприсутни и може да се развие цироза.
Ако процесот на напредување на цирозата не биде запрен, тој може да води и кон:
• Собирање течност во пределот на абдоменот (асцит)
• Отоци на крвните садови на езофагусот, што може да води и до крварења
• Чувство на збунетост, поспаност и нарушено говорење
• Рак на црниот дроб
• Откажување на црниот дроб (потреба од трансплантација)
Статистиката вели дека 5-12% од луѓето со неалкохолен замастен хепар (црн дроб) развиваат цироза.
