Имуникс
30 капсули меки, додаток на исхрана
Состав
Една мека желатинска капсула содржи 100 mg прашок од спирулина и 10 mg пивски квасец збогатен со селен (еквивалентно на содржина од 10 – 20 µg селен, во облик на органски селен)
Други состојки: масло од соја, желатина, глицерол, жолт пчелин восок, емулгатор: соја лецитин, боја: екстракт од рогач, прочистена вода
Дејство
ИМУНИКС претставува комбинација од прашок од спирулина и пивски квасец збогатен со селен. Се употребува за задоволување на зголементите потреби на организмот од витамини и минерали и го надокнадува нивниот недостиг во исхраната.
Спирулина претставува модро-зелена алга која содржи околу 60% протеини, есенцијални амино киселини и високи количини на Гама линоленска киселина (GLA). Спирулината е богата со фикоцијанин, кој е еден од конституенсите на крвта.
Најголемиот број од значајните витамини кои му се потребни на организмот, вклучувајќи ги Б-витамините, витамин Е и бета-каротен се наоѓаат во спирулината. Спирулината исто така е богата со минерали (вклучувајќи железо, калциум, цинк, калиум, магнезиум, селен, фосфор и олиго-минерали), ензими, хлорофил, сулфолипиди и гликолипиди.
ЗОШТО ДА УПОТРЕБУВАТЕ ИМУНИКС
- Употребата на селенот помага во зајакнување на имунитетот.
Употребата на овие капсули помага при: зголемена телесна активност, при состојби на неадекватна, нередовна и еднолична исхрана (диети, гладување итн), за подобрување на растот и апетитот. Можат да се користат и при дефицит настанат заради различни болести или патолошки состојби кога се зголемени потребите за витамини и минерали, односно при состојби на зголемено губење на минерали (повраќање, проливи, силно потење).
Најважната карактеристика на пивскиот квасец е неговата висока содржина на витамините од Б групата (Б1, Б2, Б6, биотин, ниацин, Б12). - Витамините Б1, Б2, Б6, биотин (Б7), ниацин (Б3) и Б12 придонесуваат за нормална функција на нервниот систем
- Витамините Б2, биотин (Б7) и ниацин (Б3) придонесуваат за одржување на нормална кожа
Збогатувањето на пивскиот квасец со селен дополнително ја зголемува неговата корисност од употреба.
КОНТРАИНДИКАЦИИ
Не го употребувајте ИМУНИКС доколку сте осетливи на некоја од неговите состојки
ПРЕДУПРЕДУВАЊА И НЕСАКАНИ ДЕЈСТВА
Нема пријавени несакани ефекти или појава на токсичност поврзана со употреба на пропишаните дозволени дози на прашок од спирулина и пивски квасец збогатен со селен.
ДОЗИРАЊЕ И НАЧИН НА УПОТРЕБА
Се препорачува кај деца на возраст од 7 до 14 години по една капсула дневно, а кај возрасни од една до три капсули дневно.
Темно кафената мека желатинска капсула проголтајте ја цела, со малку течност
Не ги употребувајте додатоците на храна како замена за храна
За дополнителни информации обратете се кај Вашиот фармацевт или лекар