ДОФУРИН® 50 mg
30 таблети
фуразидин
Што претставува ДОФУРИН и за што се употребува
Активна супстанција во лекот ДОФУРИН® е фуразидин (дериват на нитрофуран). Дофурин 50 mg таблети е лек со бактериостатско дејство, активен кон Грам-позитивни (Staphylococcus epidermidis, Staphylococcus aureus, Staphylococcus faecalis) и кон Грам-негативни микроорганизми (Enterobacteriaceae – Salmonella, Shigella, Klebsiella, Escherichia coli, Enterobacter и др.), вклучително и бактерии резистентни на сулфонамиди. Не покажува активност кон Pseudomonas aeruginosa и некои видови Proteus spp.
Терапевтски индикации
Третман на акутни и хронични некомплицирани инфекции на долниот дел од уринарниот систем: пиелонефритис, циститис, простатитис, уретритис и уринарни постоперативни инфекции: постоперативен пиелонефритис, циститис и простатитис, како и при чести повторувачки инфекции кај жени предизвикани од Escherichia coli.
Како да ги употребувате ДОФУРИН
Лекот треба да го употребувате според препораките на лекарот. Доколку не сте сигурни посоветувајте се со Вашиот лекар.
Како изгледаат ДОФУРИН таблетите
ДОФУРИН® 50 mg таблетите се жолто-портокалови. На едната страна на таблетата има разделна црта. Разделната црта не е наменета за делење на дозата.
ПАКУВАЊЕ
30 таблети во PVC/Al блистер
НАЧИН НА ИЗДАВАЊЕ НА ЛЕКОТ
Лекот може да се издава само со лекарски рецепт (Р)